انقرہ: (سنو ٹی وی) تازہ ترین اعدادوشمار کے مطابق، ترکی اور شام میں آنے والے قیامت خیز زلزلے میں11 ہزار سے زائد افراد ہلاک ہو چکے ہیں جبکہ ہزاروں زخمی ہیں۔عمارتوں کے ملبے تلے طاقتور زلزلے سے بچ جانے والوں کی تلاش جاری ہے۔ ورلڈ ہیلتھ آرگنائزیشن نے خدشہ ظاہر کیا ہے کہ تباہ کن زلزلے سے متاثر ہونے والوں کی تعداد 23 ملین تک پہنچ جائے گی۔

وزیراعظم شہباز شریف کی زیر صدارت وفاقی کابینہ کا اجلاس ہوا،اجلاس میں ترکیہ کے زلزلہ متاثرین کیلیے وزیراعظم ریلیف فنڈ‘ اکاؤنٹ قائم کردیا گیا جس کا باضابطہ نوٹیفکیشن بھی جاری ہوگیا۔ کابینہ اراکین کا ایک ماہ جبکہ گریڈ 18 سے 22 کے سرکاری افسران کاایک دن کی تنخواہ عطیہ کریں کریں۔

سکیورٹی فورسز کے لکی مروت میں خفیہ اطلاعات پر آپریشن کے دوران 12 دہشت گردمارے گئے۔ آئی ایس پی آر کے مطابق سکیورٹی فورسز نے7 اور 8 فروری کی درمیانی شب کامیاب آپریشن کیا جبکہ دہشتگرد ایک گاڑی پرفرار ہونیکی کوشش کررہے تھے، تاہم سکیورٹی فورسز نے بروقت کامیاب کارروائی کرتے ہوئے دہشتگردوں کی فرار ہونیکی کوشش کو ناکام بنا دیا۔

لاہور ہائیکورٹ نے پی ٹی آئی کےتینتالیس (43)ارکان قومی اسمبلی کے استعفے منظور کرنےکا حکم معطل کردیا۔ عدالت نے تینتالیس حلقوں میں ضمنی الیکشن بھی تاحکم ثانی روک دیا۔جسٹس شاہد کریم نے بدھ 8 فروری کو تحریک انصاف کے 43 مستعفیٰ اراکین قومی اسمبلی کی درخواست پر سماعت کی۔

صدر پاکستان ڈاکٹر عارف علوی نے الیکشن کمیشن کو فوری اتخابات کی تاریخ کا اعلان کرنے کے لئے خط لکھ دیا۔ صدر پاکستان نے خط میں لکھا ہے کہ الیکشن کمیشن الیکشن ایکٹ 2017 ء کے مطابق صوبائی اسمبلیوں کے انتخابات کی تاریخ کا فوری اعلان کرے۔