پاکستانی کوہ پیما نائلہ کیانی نے ماؤنٹ ایورسٹ کے بعد لوٹسے کو بھی سر کر لیا
لاہور:(سنو نیوز) پاکستانی خاتون کوہ پیما نائلہ کیانی نے ماؤنٹ ایورسٹ سر کرنے کے 2 روز بعد چوتھی بلند ترین چوٹی لوٹسے کو بھی سر کر لیا۔ نائلہ کیانی نے 8516 میٹر بلند لوٹسے کو نیپالی وقت کے مطابق 8 بج کر 13 منٹ پر سر کیا۔
خیال رہے کہ نائلہ کیانی دنیا کی بلند ترین چوٹی سر کرنے والی دوسری پاکستانی خاتون ہیں۔ پاکستانی خاتون کوہ پیما نے 8849 میٹر بلند چوٹی کو14 مئی کی صبح 8 بج کر 2 منٹ پر سر کیا۔ نائلہ کیانی 8 ہزار میٹر سے بلند تین چوٹیاں سر کرنے والی پہلی پاکستانی خاتون ہیں۔
نائلہ کیانی اس سیزن میں ایورسٹ ٹاپ پر پہنچنے والی پہلی غیر نیپالی کوہ پیما بن گئی ہیں۔ وہ اس سے قبل قبل گیشربرم 1، گیشربرم 2، کے ٹو اور اناپورنا کو بھی سر کر چکی ہیں۔
یہ بھی پڑھیں: پاکستانی خاتون کوہ پیما نائلہ کیانی نے ماؤنٹ ایورسٹ سر کر لیا
