گڈ ٹو سی یو: چیف جسٹس عمرعطا بندیال کی وضاحت

اسلام آباد: (سنو نیوز) چیف جسٹس آف پاکستان عمر عطا بندیال نے پی ٹی آئی چیئرمین عمران خان کو “آپکو دیکھ کر خوشی ہوئی” کہنے کی وضاحت کر دی۔

چیف جسٹس نے وکیل اصغر سبزواری سے مکالمہ کرتے ہوئے کہا کہ آپ کو دیکھ کر خوشی ہوئی اس لیے کہا کیونکہ کافی وقت کے بعد آپ(عمران خان ) میری عدالت آئے ہیں، آپ کو دیکھ کر خوشی ہوئی یہ میں ہر کسی کو کہتا ہوں۔

چیف جسٹس پاکستان نے کہا کہ مجھے گڈ ٹو سی یو کہنے پر تنقید کا نشانہ بنایا گیا، میں ہر ایک کو احترام دیتا ہوں، ادب و اخلاق تو سب کیلئے ضروری ہے، ادب و اخلاق کے بغیر مزہ نہیں۔

چیف جسٹس آف پاکستان عمر عطا بندیال نے یہ ریمارکس سول مقدمے کی سماعت کے دوران دیئے۔