پاکستان بزنس فورم کیطرف سے وزارت خزانہ کو بجٹ تجاویز 2023-24 ارسال

اسلام آباد(سنو نیوز) پاکستان بزنس فورم نے وزارت خزانہ کو بجٹ تجاویز 2023-24 ارسال کردیں۔

پاکستان بزنس فورم کا کہنا ہے کہ آئندہ ماہ بجٹ میں مزید نئے ٹیکسوں کے نفاذ سے گریز کیا جائے، بجٹ بزنس کمیونٹی اور زراعت کے لئیے سود مند ہونا چاہئے۔

پڑوسی ممالک کے ساتھ تجارت کو فروغ دینے کے لئے سرحدوں پر برآمدی گوداموں کے قیام کی ضرورت پر زور دیا گیا، اگلے مالی سال میں جی ڈی پی کی شرح نمو کو چھ فیصد تک بڑھانے کی کوشش میں ٹیکس کی شرح کو کم کرنا ہوگا۔

پاکستان بزنس فور م نے بجٹ تجاویز میں حکومت سے سپر ٹیکس کو ختم کرنے کی سفارش کر دی، حکومت کاروبار دوست پالیسیوں کے نفاذ کے لیے عملی اور ٹھوس اقدامات کرے، حکومت کو آئندہ زراعت کے لئیے وفاقی بجٹ میں ٹھوس اقدامات کا اعلان کرنا چاہیے۔