گرفتاری اور احتساب سے صرف چور، ڈاکو اور دہشتگرد ڈرتے: مریم نواز
لاہور: پاکستان مسلم لیگ ن کی نائب صدر مریم نواز کا کہنا ہے کہ عمران خان کو لیڈر کہنا سیاسی کارکنوں کی جدوجہد کی تذلیل ہوگی، سیاست دان بہادر ہوتے ہیں گرفتاری اور احتساب سے نہیں ڈرتے،گرفتاری اور احتساب سے صرف چور، ڈاکو اور دہشت گرد ڈرتے ہیں۔
مریم نواز نے ٹوئٹر پر بیان میں کہا کہ اگرضمانت پارک میں صرف ایک خاتون موجود ہے تو پولیس پر اندر سے گولیاں اور پیٹرول بم کون برسا رہا ہے، جھوٹ بولنے سے پہلے سوچتے نہیں، عمران خان کو گرفتاری سے زیادہ اپنے مکروہ اعمال کا خوف ہے۔
اگر ضمانت پارک میں صرف ایک خاتون موجود ہے تو پولیس پر اندر سے گولیاں اور پیٹرول بمب کون برسا رہا ہے؟ جھوٹ بولنے سے پہلے سوچتے نہیں؟
— Maryam Nawaz Sharif (@MaryamNSharif) March 18, 2023
مریم نواز کا مزید کہنا تھا کہ عمران خان کو لانے والے اپنے بدترین انجام کو پہنچے، ان کی سیاست بھی رسوائی کے ساتھ اختتام کی طرف بڑھ رہی ہے، اب پتا چلا کہ جب سے اس دہشتگرد عمران کو زبردستی سیاست میں گھسیڑا گیا تب سے ملک فتنہ اور انتشار کا شکار کیوں ہے۔
انھیں یتھیاروں سے پولیس کے جوانوں پر ضمانت پارک کے اندر سے، جہاں صرف ایک اکیلی ‘خاتون’ موجود تھی گولیاں برسائی جا رہی تھیں ! pic.twitter.com/AcQlNUXbYo
— Maryam Nawaz Sharif (@MaryamNSharif) March 18, 2023
پی ٹی آئی ایک دہشتگرد جماعت ہے جس کے سرغنہ نے قانون اور سزا سے بچنے کے لیے شرپسند اور تربیت یافتہ دہشتگرد اپنے گھر میں رکھے ہوئے ہیں۔
مریم نواز نے کہا پاکستان میں سیاسی رہنماؤں اور سیاسی جماعتوں نے ہمیشہ نہتے جدوجہد کی اور قربانیاں دیں۔ پی ٹی آئی کو سیاسی جماعت کہنا یا عمران خان کو سیاسی لیڈر کہنا، کئی دہائیوں پر پھیلی سیاسی کارکنوں کی جدوجہد کی تذلیل ہوگی۔
