شوخ پیلے رنگ کے آئی فون مارکیٹ میں دستیاب

کیلیفورنیا:(ویب ڈیسک) ایپل کمپنی نے صارفین کو اپنی طرف متوجہ کرنے کے لیے فون کے مختلف خوبصورت اور شوخ پیلے رنگ کا آئی فون 14 اور 14 پلس متعارف کروا دیا۔

کمپنی کی طرف سے کچھ روز قبل شوخ پیلے رنگ کے آئی فون 14 اور 14 پلس پیش کیا گیا جس کی بکنگ کھول دی گئی ہے، یہ نیا ماڈل ریٹیل سٹورز میں صارفین کے لیے دستیاب ہیں۔

اس پیلے رنگ کے آئی فون کے فیچرز میں کوئی تبدیلی نہیں کی گئی، اس کی قیمت عام آئی فون 14 اور 14 پلس والی ہی رکھی گئی ہے، یہ آئی فون امریکا، چین، فرانس اور بھارت سمیت 60 سے زائد ممالک کے لیے دستیاب ہوں گے۔

آئی فون 14 کی قیمت 800 امریکی ڈالر اور آئی فون 14 پلس کی قیمت 900 امریکی ڈالر ہے۔

دونوں ماڈلز میں او ایل ای ڈی ٹیکنالوجی کے ساتھ ایک خوبصورت ڈسپلے شامل ہے، اس کے علاوہ اس کی بیٹری کئی گھنٹے تک چل سکتی ہے۔

خیال رہے کہ2017 اور 2019 میں کمپنی کی طرف سے لال رنگ کے آئی فون 7 اور آئی فون 8 متعارف کرایا گیا تھا، 2021 میں جامنی رنگ کے آئی فون 12 اور گزشتہ برس سبز رنگ کے آئی فون 13 اور 13 پرو متعارف کرایا گیا تھا۔