نوجوان کرکٹرز دباؤ میں آکر گھبرا گئے، شاداب خان

شارجہ(ویب ڈیسک) قومی ٹیم کے کپتان شاداب خان نے گزشتہ روز افغانستان سے بدترین شکست کے بعد میڈیا سے گفتگو میں کہا ہے کہ نوجوان کرکٹرز دباؤ میں آکر گھبرا گئے، افغانستان کے خلاف پہلے ٹی 20 میں اچھے کھیل کا مظاہرہ کرنے میں ناکام رہے ہیں۔

کپتان شاداب خان نے کہا کہ ہماری ٹیم نوجوان کھلاڑیوں پر مشتمل تھی، پریشر میں آکر نروس ہوگئے جس کی وجہ سے پرفارم کرنے میں ناکام رہے، حکمت عملی کے لحاظ سے ہم بلکل ٹھیک تھے البتہ ہار تسلیم کرتے ہیں اور اگلے میچ میں بہتر کارکردگی کا مظاہرہ کریں گے۔

دوسری جانب افغانستان کرکٹ ٹیم کے کپتان راشد خان کا کہنا تھا کہ اس پچ پر 120 رنز ہوتے تو جیت مشکل ہوجاتی، ہمیشہ پاکستان کے خلاف جیت کے قریب پہنچ کر ہار جاتے تھے مگر اس بار فتح مل گئی، راشد خان نے گفتگو کرتے ہوئے خواہش کا اظہار کیا کہ ہم تینوں ٹی 20 میچز جیتیں گے۔

خیال رہے کہ گزشتہ روز کرکٹ کی تاریخ میں پہلی بار افغانستان نے کسی انٹرنیشنل میچ میں پاکستان کو شکست دی تھی۔