سی ٹی ڈی نے عمران خان سمیت 17 پی ٹی آئی رہنمائوں کو طلب کر لیا
اسلام آباد:(ویب ڈیسک) پولیس کے محکمہ انسداد دہشت گردی نے سابق وزیراعظم عمران خان اور پاکستان تحریک انصاف کے دیگر 17 رہنماؤں کو 18 مارچ کو درج مقدمات میں جوڈیشل کمپلیکس اسلام آباد میں طلب کرلیا۔
جوڈیشل کمپلیکس اسلام آباد میں پیشی پر توڑ پھوڑ کا الزام
سی ٹی ڈی نے عمران خان سمیت 17 پی ٹی آئی رہنمائوں کو طلب کر لیا۔#imrankhanPTI #CTD #judicialcomplex pic.twitter.com/pxVIcGGSW0— SUNO NEWS HD (@sunotvhd) March 27, 2023
تفصیلات کے مطابق چیئرمین تحریک انصاف عمران خان کو تھانہ سی ٹی ڈی اسلام آباد میں انسداد دہشت گردی ایکٹ و دیگر دفعات کے تحت درج مقدمہ نمبر 3 میں شامل تفتیش ہونے کے لیے نوٹس جاری کردیا گیا، نوٹس تھانہ سی ٹی ڈی کے ایس ایچ او انسپکٹر اشرف کی جانب سے جاری کیا گیا ہے۔
سی ٹی ڈی نے عمران خان اور دیگر افراد کو 18 مارچ کو درج مقدمات میں شامل تفیش ہونیکی ہدایت کی ہے اور نوٹس میں کہا ہے کہ شامل تفتیش ہو کر اپنا مؤقف پیش کریں بصورت دیگر قانونی کارروائی کی جائے گی۔
عمران خان سمیت دیگر رہنماؤں کو دہشتگردی کے 2 مقدمات میں طلب کیا گیا ہے، علی امین گنڈاپور، علی نواز اعوان، مراد سعید، شبلی فراز، عمرا ایوب، عامر کیانی اور اسد عمر، راجہ خرم نواز، فرخ حبیب، جمشید مغل، عمر سلطان، حسان نیازی کو بھی تھانا سی ٹی ڈی میں طلب کیا گیا ہے۔
اس کے علاوہ عمران خان کو تھانہ گولڑہ میں دہشت گردی کی دفعات کے تحت درج مقدمے میں بھی طلب کیا گیا ہے، تھانہ گولڑہ میں درج مقدمے میں عمران خان سمیت پی ٹی آئی کے 10 رہنما کو طلب کیا گیا جن میں اسد عمر، علی نواز اعوان، جمشید مغل شامل ہیں۔
