انتخابات کیلئے بات کر سکتے لیکن حکومت کی نیت ٹھیک نہیں: شاہ محمودقریشی

اسلام آباد: (ویب ڈیسک) پاکستان تحریک انصاف کے وائس چیئرمین شاہ محمود قریشی نے کہا ہے کہ انتخابات کیلئے مل بیٹھ کر بات کر سکتے ہیں لیکن حکومت کی نیت ٹھیک نہیں ہے۔

اسلام آباد ہائیکورٹ کے باہر میڈیا سے گفتگو کرتے ہوئے شاہ محمود قریشی کا کہنا تھا کہ میڈیا کی بندش سے حقائق دب نہیں سکتے ہیں، ہم پر امید ہیں، آئین واضح ہے کہ الیکشن کب ہوں گے، جو بہانہ بنایا جا رہا ہے وہ کمزور ہے۔

انہوں نے کہا کہ الیکشن کے لیے وسائل نہیں ہیں، پی ایس ایل اور عمران کی پیشی پر تعیناتی کیلئے ہیں، مذا کرات سے کتراتے نہیں مگر حکومت کی نیت میں خلل ہے، ایک طرف مذاکرات دوسری طرف ہمارے بندے گرفتار کررہے ہیں، ملک میں سیاسی عدم استحکام ہے، سینیٹ میں اسحاق ڈار کے بیان سے ایک ہیجان پیدا ہوگیا ہے۔

شاہ محمود قریشی کا کہنا ہے کہ ہمارے کارکنان کو پنجاب میں گرفتار کیا گیا، 2000 کے قریب بندوں کو گرفتار کیا گیا ہے، خوف کا بت ٹوٹ گیا ہے، ملک میں سیاسی عدم استحکام ہے، سینیٹ میں اسحاق ڈار کے بیان سے ایک ہیجان پیدا ہو گیا ہے۔

ایک صحافی نےسوال کیا کہ عمران خان کورٹس آتے ہیں تو کارکنان کو بلا لیتے ہیں، آپ نہیں سمجھتے یہ روایت غلط ہے؟ شاہ محمود قریشی نے کہا کہ عمران خان کو جب بھی بلایا جائے گا اس کے ورکرز اور چاہنے والے آئیں گے۔