کشمیری رہنما جلیل احمد اندرابی کی شہادت کو27 سال مکمل

اسلام آباد:(سنو نیوز) ممتاز کشمیری رہنما جلیل احمد اندرابی کی شہادت کو 27 سال مکمل ہو گئے، جموں وکشمیر لبریشن فرنٹ سے تعلق رکھن جلیل احمد اندرابی انسانی حقوق اور تحریک آزادی کے علمبردار تھے۔

جلیل احمد اندرابی 8 مارچ 1996 کو بھارتی فوج کے میجر اوتار سنگھ نے جلیل احمد اندرابی کو تفتیش کے بہانے جیل میں بند کر دیا اور بہیمانہ تشدد کے بعد جلیل احمد اندرابی کی لاش دریا میں پھینک دی۔

قتل کے دو ہفتے بعد 27 مارچ 1996 کو جلیل احمد اندرابی کی بوری بند لاش سرینگر کے علاقے راجباغ کے قریب دریائے جہلم سے ملی تھی، پوسٹ مارٹم رپورٹ میں بدترین تشدد کی بھی تصدیق ہوئی تھی، میڈیا میں شور کے بعد میجر اوتارسنگھ کو سزا دینے کی بجائے بھارت نے امریکہ فرار کروا دیا۔

جلیل احمد اندرابی کا ماورائے عدالت قتل نام نہاد بھارتی جمہوریت کے منہ پر طمانچہ ہے، مجرموں کا کیفر کردار تک نہ پہنچنا بھارت کی مقبوضہ کشمیر میں انسانی حقوق کی خلاف ورزیوں کی ریاستی سرپرستی کا ثبوت ہے، جلیل احمد اندرابی کو عالمی سطح پر شہید انصاف کا لقب بھی دیا جا چکا ہے۔